ABŞ prezidenti Barak Obama Türkiyəli həmkarı Rəcəb Tayyib Əroğana zəng vurub. 

 Mediatv.az  anspress-ə istinadən xəbər verir ki, Ərdoğana başsağlığı verən Obama son günlər Türkiyədə baş verənlərə görə təəssüfləndiyini bildirib. 

Türkiyə prezident administrasiyası mətbuat mərkəzinin yaydığı məlumata görə, telefon danışığı vaxtı iki lider İŞİD-lə mübarizədə bu gün də davam edən əməkdaşlığın gücləndirilməsi, İraqda təhlükəsizlik və istiqrarın təmini, Suriyada davam edən daxili münaqişənin siyasi həlli yolunun tapılması istiqamətində ortaq səylər barədə fikir mübadiləsi aparıblar. 

Surucda iyulun 20-də törədilən terror hadisəsi ilə PKK-nın törətdiyi terror hücumlarında 1 əsgərlə 2 polisin öldürülməsini pisləyən Bartak Obama dünyasını dəyişənlərin ailələrinə Amerika xalqı adından başsağlığı verib. 

Hər iki ölkənin prezidenti Türkiyənin və ABŞ-ın hər cür terrorra qarşı olduğunu vurğulayıblar. 

Həmçinin danışıqlar zamanı əcnəbi döyüşçülərin keçişlərinin və Türkiyənin Suriya ilə sərhəddində təhlükəsizliyin təmini istiqamətində əməkdaşlığın çoxaldılması səyləri də müzakirə olunub. 

ABŞ prezidenti Barak Obama bir daha Türkiyənin milli təhlükəsizliyinə ABŞ döləti olaraq böyük əhəmiyyət verdiklərini təkrarlayıb. 

Hər iki ölkənin başçısı adı çəkilən bütün məsələlərdə və s. regional mövzularda əməkdaşlıqlarının davam edəcəyini bildiriblər. 

Qeyd edək ki, ötən gün ABŞ Ağ ev milli təhlükəsizlik şurasının sözçüsü Alister Baskey də verdiyi bəyanatla Türkiyəyə dəstək nümayiş etdirmişdi. 

Xatırladaq ki, iyulun 20-də gündüz saatlarında Türkiyə Şanlıurfa vilayətinin Suruc rayonunda kamikadze terrorçunun aksiyada törətdiyi partlayış nəticəsində 32 nəfər ölüb, yüzdən çox insan isə müxtəlif dərəcəli bədən xəsarətləri alıb. Yaralılar arasında vəziyyəti ağır olanlar olduğundan ölü sayının çoxalacağı istisna olunmur.

 Mediatv.az