Pakistanda davam edən anormal istilər nəticəsində ölənlərin sayı 800 nəfərə yüksəlib.

Avropa.info xəbər verir ki, ölənlər daha çox kasıb ailələrdən olan yaşlı adamlardır. Karaçi şəhərində 780 nəfər ölüb, 30 nəfərin ölümü Sind əyalətinin digər rayonlarında qeydə alınıb. 

Karaçidə termometrlər dünən 45 dərəcə istilik göstərib. Əhali hakimiyyəti fəaliyyətsizlikdə ittiham edir. Elektrik kəsintiləri üzündən kondisionerlər işləmir.

Vəziyyəti çətinləşdirən digər faktor istilərin Ramazan ayına düşməsidir. Bir çox müsəlman oruc zamanı su və qida qəbul etmədiyindən bədən susuzluqdan iflas edir.