“Rusiya sərhədləri yaxınlığında ABŞ və NATO-nun hücum potensialının artması təkcə bizə deyil, həm də tərəfdaşlarımıza təhlükə yaradır”. APA-nın “RİA Novosti”yə istinadən verdiyi məlumata görə, bunu Rusiya Təhlükəsizlik Şurasının katibi Nikolay Patruşev Kollektiv Təhlükəsizlik Müqaviləsi Təşkilatının təhlükəsizlik şuraları katiblərinin komitəsinin Tacikistanda keçirilən iclasında deyib.
O qeyd edib ki, dövlətlərin öz maraqları uğrunda mübarizəsində əhalinin etiraz potensialından, radikal və ekstremist təşkilatlardan, özəl hərbi şirkətlərdən istifadə ənənəvi hal alıb. “ABŞ və NATO-nun Rusiyaya qarşı aqressivliyi artmaqdadır”, – deyə o vurğulayıb.