Kollektiv Təhlükəsizlik Müqaviləsi Təşkilatının (KTMT) üzvü olan dövlətlər Dağlıq Qarabağ münaqişəsinin istisna olaraq sülh yolu ilə həllinin vacibliyini vurğulayıblar. 

ANS PRESS-in məlumatına görə, bu barədə KTMT ölkələri dövlət başçılarının KTMT Kollektiv Təhlükəsizlik Şurasının bu gün keçirilmiş iclasının yekununda qəbul edilmiş bəyanatda deyilir. 

“Biz KTMT üzvü olan dövlətlərin başçıları Dağlıq Qarabağ münaqişəsinin istisna olaraq sülh yolu ilə həllinin vacibliyini vurğulayırıq. ATƏT-in Minsk qrupunun həmsədrlərinin vasitəçiliyi ilə beynəlxalq hüququn prinsip və normaları, BMT Nizamnaməsinin, Helsinki Yekun Aktının maddələri, o cümlədən güc tətbiqi və ya güc tətbiqi hədəsi olmadan, dövlətlərin ərazi bütövlüyü, xalqların bərabərliyi və öz müqəddəratını təyin etmə hüququ əsasında bu münaqişənin nizamlanmasının əsas prinsipləri üzərində işin sürətlə başa çatdırılmasının vajibliyinin qeyd edirik”,- deyə bəyanatda bildirilir.