Macarıstanın baş naziri Viktor Orban ölkəsinin Aİ-nin Ukraynaya uzunmüddətli maliyyə yardımı ilə bağlı planına qarşı olduğunu bildirib.
Onun Radio Kossuth-a verdiyi açıqlamaları Telex sitat gətirib.
Orbanın sözlərinə görə, əvvəlcə artıq ayrılmış vəsaitlərin hara getdiyini yoxlamaq lazımdır: “Əvvəllər verdiyimiz 70 milyard avronun hara getdiyini söyləməyincə, biz Ukraynaya daha çox pul verməyəcəyik”.
Macarıstanın baş naziri Avropa İttifaqının Rusiyanın Ukraynaya qarşı müharibəsinə yanlış yanaşmasından da danışıb.
“Deyirəm, il yarım keçdi, nəticə sıfır, hətta mənfi. Biz Rusiyanı məğlub etməmişik, Rusiyanın siyasi rəhbərliyi yerindədir, Rusiya iqtisadiyyatı buna görə çox yaxşı inkişaf edir – müqayisə üçün deyim ki, biz yüksək inflyasiyadan əziyyət çəkirik, artıq ukraynalıları dəstəkləməyə pulumuz yoxdur”.
Orban atəşkəs və sülh danışıqlarına ehtiyac olduğunu təkrarladı, çünki əks halda “çox insan öləcək”.
Xatırladaq ki, Avropa İttifaqı Ukraynaya dəstək üçün təxminən 50 milyard avro məbləğində maliyyə yardımı paketi ayırmaq niyyətindədir.
Bundan əvvəl Orban Ukraynanı suveren ölkə, Rusiya diktatoru Vladimir Putini isə hərbi cinayətkar hesab etmədiyini bildirib.шаблоны для dle 11.2