Mediatv.az ru.slovoidilo.ua-ya istinadən məlumat verir ki,  iyunun 29-da Dünya Bankının İcraçı Direktorlar Şurası Ukraynaya 1,5 milyard dollar kredit ayrılmasını təsdiqləyib. Vəsaitlərə Yaponiya hökuməti zəmanət verir.

Bu barədə bankın mətbuat xidməti və Ukraynanın baş naziri Denis Şmıqal məlumat verib.
“Vəsaitlər Yaponiya hökumətinin zəmanəti ilə veriləcək və sosial müdafiənin gücləndirilməsi və iqtisadiyyatın bərpası üçün istifadə olunacaq. Xüsusilə, kredit məcburi köçkünlərə subsidiyaların və pensiya ödənişlərinin dəstəklənməsinə kömək edəcək”, - deyə, Şmıxal şərh edib.

Dünya Bankı qeyd edib ki, vəsait əhalinin ən yoxsul və ən həssas təbəqələrinə yardım göstərmək üçün Ukraynanın sosial müdafiə sisteminin gücləndirilməsinə yönəldiləcək. Kredit həmçinin dövlət resurslarından istifadədə hesabatlılığı və şəffaflığı artıran islahatları dəstəkləyəcək.

Bu günə qədər Dünya Bankı Qrupu Ukraynaya yardım üçün 37,5 milyard dollardan çox vəsait səfərbər edib.

Hazırladı: Səadət Sultanшаблоны для dle 11.2