Mediatv.az RİA Novosti-yə istinadən xəbər verir ki, Nikaraqua xarici işlər naziri Denis Monkada respublikanın Rusiya buğdasının pulunu rublla və ya Nikaraqua  kordobasında ödəməyə hazır olduğunu açıqlayıb.

O hesab edir ki, gələcəkdə Rusiya və Nikaraqua maliyyə, bank xidmətləri və kommersiya əməliyyatları məsələlərində öz suverenliklərini qorumalıdırlar.
Ötən ilin payızında maliyyə naziri İvan Akosta Nikaraquanın Rusiyadan buğda tədarükünün həcmini artırmaq planlarına işarə edib. O qeyd edib ki, dövlət mümkün yeni ödəniş variantlarının müzakirəsinə açıqdır.
Monkada agentliyə bildirib ki, respublika Nikaraqua kanalının tikintisində Rusiya ilə əməkdaşlığı nəzərdən keçirməyə hazırdır. Onun Atlantik və Sakit okeanları birləşdirəcəyi güman edilir. O, bildirib ki, okeanlararası Nikaraqua kanalı layihəsi davam edən tarixi bir kanal layihəsidir. Monkada bildirib ki, hazırda bütün ekoloji aspektlər üzrə araşdırmalar və müayinələr aparılır, çünki kanal şirin su olan Nikaraqua gölündən keçəcək.
Bundan əvvəl Rusiya prezidenti Vladimir Putin Avrasiya İqtisadi Forumunda çıxışı zamanı bildirmişdi ki, Rusiya tərəfdaşlarla hesablaşmalarda milli valyutalara keçidlə bağlı daha fəal işləmək niyyətindədir.

Hazırladı: Səadət Sultanшаблоны для dle 11.2