Mediatv.az ru.slovoidilo.ua-ya istinadən məlumat verir ki, Kramatorskda raket hücumunun baş verdiyi yerdə axtarış-xilasetmə əməliyyatları başa çatıb. Hücum nəticəsində ümumilikdə 12 nəfər (üçü uşaq olmaqla) həlak olub. 11 nəfər xilas edilib.

Bu barədə Fövqəladə Hallar Dövlət Xidməti və Daxili İşlər Nazirliyi məlumat yayıb.

“Saat 7:20-yə olan məlumata görə, axtarış-xilasetmə işləri başa çatıb. Saat dörd radələrində xilasedicilər daha bir cəsədi çıxarıblar. Beləliklə, ölənlərin sayı 12-yə yüksəlib. Hamısı müəyyən edilib. İki raket atəşi nəticəsində 65 nəfər yaralanıb”, - deyə hüquq-mühafizə orqanlarının əməkdaşları bildiriblər.
Xatırladaq ki, iyunun 27-də axşam saatlarında Rusiya ordusu Kramatorska iki raket hücumu həyata keçirib. Raketlərdən biri ziyarətçilərin olduğu kafeyə düşüb, bina uçub. İkinci raket Belenki qəsəbəsinin özəl sektoruna düşüb.
Ukrayna Təhlükəsizlik Xidməti artıq şəhərə raket hücumunu təşkil edən rus agentini saxlayıb.
 шаблоны для dle 11.2