Mediatv.az ukr.ru-ya istinadən məlumat verir ki, Litva prezidenti Gitanas Nauseda Kiyevə gəlib. O,  bildirib ki, Litva Ukrayna üçün iki NASAMS buraxılış qurğusu alıb.
Qeyd edək ki, Litva prezidenti Gitanas Nauseda Ukrayna Konstitusiyası Günündə gözlənilməz səfərlə Kiyevə gəlib.
Bu barədə onun mətbuat xidməti məlumat yayıb.
Nauseda prezident Vladimir Zelenski ilə görüşməyi və Ukrayna Konstitusiyasının qəbulunun 27-ci ildönümü ilə bağlı tədbirlərdə iştirak etməyi planlaşdırır.
“Litva dövlətinin başçısı Ukrayna prezidenti ilə NATO-nun iyulda Vilnüsdə keçiriləcək sammitinin gündəliyini, habelə Ukraynanın Avropa İttifaqına üzvlüklə bağlı danışıqları, Litva və Avropa İttifaqının köməyi ilə bağlı məsələləri müzakirə edəcək”, - məlumatı mətbuat xidməti yayıb.
Bu gün Nausėda öz Twitter səhifəsində yazıb ki, Litva Ukraynaya veriləcək iki NASAMS buraxılış qurğusu alıb.
Xatırladaq ki, mayın sonunda Litva hökumətinin Ukrayna Silahlı Qüvvələri üçün yeni hərbi yardım paketi hazırladığı barədə məlumat yayılmışdı.
Bir gün əvvəl Nauseda bildirmişdi ki, Vaqner ÖHK -nin rəhbəri Yevgeni Priqojin Belarusda qalsa, NATO şərq cinahını gücləndirməli olacaq.шаблоны для dle 11.2