Dağıstanda enən sel 10 yaşayış məntəqəsinin xarici aləmlə əlaqəsini kəsib. "Podyom"-un zərərçəkmiş Rutul rayonunun administrasiyasına istinadən verdiyi məlumata görə, hazırda yol təmizlənir, rabitə artıq qismən bərpa olunub.
Onlar qeyd ediblər ki, aramsız yağan yağışlar səbəbindən Qornı Mahalda yaşayış məntəqələrinə gedən yol vaxtaşırı sellə örtülür. Gündə iki dəfə yol işçiləri və yerli sakinlər tərəfindən təmizlənir.
“Əsas ərzaq malları ilə bağlı heç bir problem yoxdur. Bütün sosial obyektlər normal işləyir. Elektrik enerjisi kəsilmir, mobil rabitə işləyir”, - deyə onlar əlavə ediblər.
"Dağıstanavtodor"dan da bildirilib ki, lazımi avadanlıqlar həmin yerə köçürülüb. Təşkilat xəbərdarlıq edib ki, bəzi ərazilərdə leysan yağışları və  sel suları səbəbindən "nəqliyyat əlaqələrində qısa fasilə" ola bilər. Yerli xidmətlər gücləndirilmiş rejimdə nəticələrin aradan qaldırılması üzərində işləyir.шаблоны для dle 11.2