Mediatv.az “RİA Novosti”-yə görə xəbər verir ki, Batan sualtı “Titan”ın sertifikatlaşdırmadan necə yan keçməyi bacardığı məlum olub. “The Washington Post” qəzeti cihazın iş icazəsi tələb olunmadığını qeyd edib – onun sualtı hərəkətləri beynəlxalq sularda, istənilən ölkənin yurisdiksiyasından kənarda həyata keçirilib.
Eyni səbəbdən sualtı gəminin pilotunun xüsusi dalğıc lisenziyasına ehtiyacı yox idi. Neytral sularda heç bir dövlət onu bu cür hərəkətlərə görə cəzalandıra bilməzdi.
“Financial Times” əlavə edir ki, faciə baş verən yerin neytral statusu daha bir fəsad yaradır. İstintaqın başlandığını dərhal elan etməyə imkan vermir. İndi müxtəlif ölkələrin hökumətləri bu cür araşdırmanın necə ola biləcəyini müzakirə edirlər. Hadisənin yeri və iştirakçıların çoxmillətli tərkibi bu məsələni çətinləşdirir.
Xatırladaq ki, bazar ertəsi, iyunun 19-da “OceanGate Expeditions” şirkəti “Titanik”in batdığı yerə turistləri çatdırmaq üçün nəzərdə tutulmuş sualtı “Titan”ın ekipajla birlikdə yoxa çıxdığını təsdiqləyib. Sualtı qayıqda beş nəfər olub, dalışdan 1 saat 45 dəqiqə sonra onlarla əlaqə kəsilib. Cümə axşamı, iyunun 22-də Atlantik Okeanında batiskafın ehtimal olunan qalıqları tapılıb. Göründüyü kimi, böyük dərinliklərə aparan aparat dənizin dibinə "çökdü" və insanlar dərhal öldü.
 шаблоны для dle 11.2