Mediatv.az news.ru-ya istinadən məlumat verir ki, Moldova Konstitusiya Məhkəməsi müxalifətdə olan Şor partiyasını qanunsuz elan edib.
Moldova Konstitusiya Məhkəməsi müxalif Şor partiyasının ölkədə fəaliyyətini qadağan edən qərar qəbul edib. Bu barədə məhkəmənin mətbuat xidməti xəbər verir. Əvvəllər partiya üzvləri etiraz aksiyaları keçirib, enerji böhranı ilə əlaqədar hakimiyyətin istefasını tələb ediblər.
Apreldə Moldova Apellyasiya Məhkəməsi müxalif Şor partiyasının lideri İlan Şoru qiyabi olaraq 15 il müddətinə azadlıqdan məhrum edib. Respublika Prezidenti Maia Sandu-nun sözlərinə görə, siyasətçinin əmlakı müsadirə olunacaq.
Bir neçə il əvvəl ölkədən qaçan Şor üç Moldova bankından 1 milyard dollara yaxın pul mənimsəməkdə ittiham olunur. Müstəntiqlərin fikrincə, 2014-cü ildə seçkilər ərəfəsində banklar naməlum şəxslərə bu məbləği veriblər ki, bu da Moldovanın ÜDM-nin təxminən 12,5%-ni təşkil edir. шаблоны для dle 11.2