Mediatv.az ru.slovoidilo.ua-ya istinadən məlumat verir ki,   Rusiya Cənubi Afrikaya xəbər göndərdiyini və Beynəlxalq Cinayət Məhkəməsinin qərarı ilə Putinin həbs olunmamasına ümid etdiyini bildirib.

Rusiya Cənubi Afrikanın avqustda keçiriləcək BRİKS sammiti zamanı Vladimir Putinə toxunulmazlıq verəcəyini “ehtimal edir”.
Bunu xarici işlər nazirinin müavini Sergey Ryabkov deyib.
Onun sözlərinə görə, Rusiya Beynəlxalq Cinayət Məhkəməsinin Putinin həbsinə dair orderi “hüquqi cəhətdən etibarsız, təxribat xarakterli və qəti şəkildə qəbuledilməz” hesab edir. Ryabkov bildirib ki, Rusiya sammit öncəsi gözləntiləri ilə bağlı "Cənubi Afrikaya siqnallar göndərib".
“Biz ondan irəli gəlirik ki, BRİKS sammitinə ev sahibliyi edən ölkə kimi Cənubi Afrika tərəfi, şübhəsiz ki, yüksək vəzifəli şəxslərin bu cür təqiblərə qarşı mütləq hüquqi toxunulmazlığına malik olduqları anlayışını rəhbər tutacaq. Biz Cənubi Afrika tərəfinə müvafiq xəbərlər göndərmişik və ondan çıxış edirik ki, sammit və Rusiya rəhbərliyinin orada gözlənilən iştirakı ilə bağlı hər şey bu şəkildə təşkil olunacaq”.
Xatırladaq ki, may ayında Cənubi Afrikanın BRİKS ölkələrinin iki toplantısının, xüsusən də Putinin dəvət olunduğu sammitin iştirakçılarına diplomatik toxunulmazlıq verəcəyi məlum olmuşdu. Amma qeyd olunub ki, toxunulmazlıq beynəlxalq məhkəmələrin orderlərinə şamil edilmir.
Daha sonra Cənubi Afrikada onlar qanun qəbul etməyi planlaşdırdıqlarını bildirdilər ki, Beynəlxalq Cinayət Məhkəməsinin barəsində qərar çıxardığı lideri həbs edib-etməmək barədə özləri qərar vermək hüququna malik olsunlar.
KİV-in məlumatına görə, BRİKS sammitinin başqa ölkəyə keçirilməsi variantı da nəzərdən keçirilir.
Putin isə həbs qərarı verildikdən sonra xaricə səfərlərini dayandırıb.шаблоны для dle 11.2