Mediatv.az novosti.ru-ya istinadən məlumat verir ki, ABŞ Müdafiə Nazirliyi Ukraynaya ümumi hərbi yardımı 40 milyard dollardan çox qiymətləndirib.
Bu barədə Pentaqonun saytında dərc olunan bəyanatda deyilir.
Onlar qeyd ediblər ki, bütün digər tərəfdaşlar Ukrayna Silahlı Qüvvələrinə 27 milyard dollarlıq hərbi yardım edib. Eyni zamanda, müttəfiqlər ABŞ-dan üç dəfə çox ukraynalı döyüşçü hazırlayıblar.
“Ukraynaya 53 ölkə yardım edir, ABŞ onun ümumdaxili məhsulunun faizi kimi Ukraynanı dəstəkləyən müttəfiqlər və tərəfdaş ölkələr arasında 13-cü yerdədir”, - deyə, Pentaqonun bəyanatında deyilir.
Hazırda Qərb ölkələrinin diqqəti hava hücumundan müdafiə sistemlərinin, tank əleyhinə sistemlərin və döyüş sursatlarının, həmçinin yaxın və uzaq mənzilli artilleriya vasitələrinin təchizatına yönəlib.
ABŞ Müdafiə Nazirliyinin adının açıqlanmasını istəməyən sözçüsü əlavə edib ki: “Ukrayna qüvvələri Rusiyanın güclü möhkəmləndirilmiş mövqelərinə doğru irəlilədiyi üçün bu silahlara ehtiyac var”.
Xatırladaq ki, dünən ABŞ Ukraynaya 325 milyon dollar dəyərində silah partiyası ayırıb. Bu, Rusiyanın tammiqyaslı işğalı başlayandan bəri Ukrayna Silahlı Qüvvələrinə 40-cı yardım paketidir.
Bundan əvvəl Pentaqon Ukraynanın əks-hücum əməliyyatına hazırlığını da qiymətləndirmişdi.шаблоны для dle 11.2