Mediatv.az  novosti.ru-ya istinadən məlumat verir ki, İsveç hakimiyyəti alyansa qoşulmazdan əvvəl bu ölkədə NATO qoşunlarının yerləşdirilməsinə icazə verə bilər.
Bu barədə baş nazir Ulf Kristersson və müdafiə naziri Pol Consonun Dagens Nyheter üçün yazdığı məqalədə deyilir.
“Hökumət qərara gəlib ki, İsveç Silahlı Qüvvələri gələcəkdə birgə əməliyyatların keçirilməsi imkanını təmin etmək üçün NATO və alyans ölkələri ilə birgə hazırlıq tədbirləri həyata keçirə bilər. Hazırlıq kadrları İsveç ərazisində xarici texnikanın müvəqqəti yerləşdirilməsindən ibarət ola bilər”, - məqalədə belə qeyd olunur.
Materialda vurğulanır ki, bu qərar Rusiyaya aydın siqnal verir və İsveçin müdafiə qabiliyyətini gücləndirir.
Bundan əvvəl Rusiya Təhlükəsizlik Şurasının katibi Nikolay Patruşev bildirmişdi ki, Rusiya NATO-nun genişlənməsi ilə əlaqədar ölkənin şimal-qərbində öz sərhədlərinin mühafizəsini gücləndirəcək.шаблоны для dle 11.2