Mediatv.az ria.novosti-yə istinadən məlumat verir ki,Ukrayna Xarici İşlər Nazirliyinin rəhbəri Dmitri Kuleba NATO-nun keçmiş baş katibi Anders Foq Rasmussenin bir sıra NATO ölkələrinin Ukraynaya qoşun yeritməyə hazır olması ilə bağlı sözlərini şərh edərkən deyib ki, münaqişə bitənə qədər xarici ölkələr öz qoşunlarını ölkəyə göndərməyəcək.
“Ukrayna ərazisində silahlı münaqişə bitənə qədər xarici dövlətlər bizim ölkə ərazisinə öz qoşunlarını göndərməyəcək”, - deyən Kuleba, Kiyevin bunu tələb etmədiyini bildirib.
Eyni zamanda o qeyd edib ki, əgər Ukrayna Şimali Atlantika Alyansının bir hissəsi olarsa, o zaman Ukrayna briqadaları onları qorumaq üçün NATO-nun digər ölkələrində yerləşdiriləcək.
Bundan əvvəl NATO-nun keçmiş baş katibi Rasmussen bildirmişdi ki, alyansın qoşunları Ukrayna münaqişəsində birbaşa iştirak edə bilər. Onun sözlərinə görə, alyansın Vilnüsdə keçiriləcək sammitində ölkəyə təhlükəsizlik zəmanəti verilməsə, bir qrup NATO ölkəsi Ukraynaya qoşun yeritmək istəyə bilər.
Bundan əvvəl Macarıstanın baş naziri Viktor Orban demişdi ki, NATO qoşunlarının birbaşa köməyi olmadan Ukrayna döyüş meydanında qalib gələ bilməyəcək, ona görə də biz münaqişənin sülh yolu ilə həllinə keçməliyik.шаблоны для dle 11.2