Mediatv.az ru.slovoidilo.ua-ya istinadən məlumat verir ki, su elektrik stansiyasının dağıdılmasından sonra Kaxovskaya su anbarından suyun nəzarətsiz axıdılması ilə əlaqədar Dnepr çayının sol sahilində yerləşən Korsunka kəndi tamamilə su altında qalıb. TASS xəbər verir ki, bunu Nova Kaxovka administrasiyasının rəhbəri Vladimir Leontiyev deyib.
“Korsunka kəndi tamamilə su altında qalıb, Dnepr, Krınki, Kazak düşərgələri damına qədər su altında qalıb”, - deyə, o, vurğulayıb.
İyunun 6-na keçən gecə Dneprdəki Kaxovskaya Su Elektrik Stansiyasının bəndi dağıdılıb. Bundan sonra ətrafı su basıb.
Daha əvvəl Leontyev bildirib ki, şəhərin yaxınlığındakı Kaxovskaya su elektrik stansiyası dağıdılandan sonra 7 nəfər itkin düşüb. O əlavə edib ki, iyunun 6-da Fövqəladə Hallar Nazirliyinin əməkdaşları 17 nəfəri su basmış evlərin damından çıxarıblar. Su basmış ərazilərdən 500-ə yaxın insan təxliyə edilib. Mer şəhərdə suyun səviyyəsinin 35 santimetr aşağı düşdüyünü də bildirib.
 

 шаблоны для dle 11.2