Media.tv news.rambler.ru-ya istinadən məlumat verir ki, Vladivostokda Şimali Koreyanın Baş Konsulluğunun nümayəndəsinin həyat yoldaşı və azyaşlı oğlunu axtarırlar. Bu barədə “VKontakte” sosial şəbəkəsindəki “My Primorye” qrupunda məlumat verilib.
Müəyyən edilib ki, 43 yaşlı Kim Kum Sun və onun 15 yaşlı oğlu 2023-cü il iyunun 4-də KXDR-in Vladivostokun Nevskaya küçəsində yerləşən baş konsulluğunun ərazisini tərk ediblər. O vaxtdan bəri onların harada olması barədə heç nə məlum deyil.
Qadının əynində ağ köynək və qara şalvar, yeniyetmənin isə boz şalvar və qara gödəkcədə olduğu dəqiqləşdirilir.
Telegram Baza kanalının məlumatına görə, 62 yaşlı Çoi Yonq Nam polisə müraciət edib. Kişi bildirib ki, həyat yoldaşı və oğlunun mobil telefonları yoxdur.
Hüquq-mühafizə orqanlarının əməkdaşları itkin düşmüş şəxslərin konsulluq binasını taksi ilə tərk etdiklərini müəyyən ediblər. Qadın və yeniyetməni aparan taksi sürücüsünün şəxsiyyəti müəyyən edilib. Kişi onları Russkaya küçəsindəki binaya düşürdüyünü dedi. Onun sözləri həmin ərazidə yerləşən müşahidə kameralarının görüntüləri ilə təsdiqlənib.
Polis hadisənin bütün şəraiti və səbəblərini araşdırır.
Daha əvvəl bildirilmişdi ki, Krasnodar diyarında taksiyə minib yoxa çıxan 25 yaşlı dizayner qızı axtarırlar.
Tərcümə etdi: Səadət Sultan шаблоны для dle 11.2