Mediatv.az lenta.ru-ya istinadən məlumat verir ki, Hindistanın Bihar ştatında Qanq çayı üzərində hələ açılmamış körpü uçub. Təfərrüatlar “The Times of India” tərəfindən təqdim olunur.
Hadisə bazar ertəsi, iyunun 5-də məlum olub. Nəticədə dayaqlara quraşdırılmış ən azı 30 plitə çöküb. Eyni zamanda, hazırda zərərçəkənlər barədə məlumat yoxdur. Yarımçıq qalan körpünün uçması ilə bağlı araşdırmalara başlanılıb.
Nəşr qeyd edib ki, tikilinin dağılması son iki ildə ikinci dəfə baş verir - əvvəlki dəfə analoji vəziyyət 2022-ci ilin aprelində baş verib. Həmin vaxt hadisənin araşdırılmasına cəlb olunan ekspertlər belə qənaətə gəliblər ki, buna keyfiyyətsiz tikinti materiallarından istifadə edilməsi səbəb olub.
Körpünün üç kilometrdən çox hissəsinin tikintisinin ümumi dəyəri təxminən 208 milyon dollar qiymətləndirilir. Obyektin ilkin olaraq üç il əvvəl istifadəyə verilməsi nəzərdə tutulsa da, bu hələ həyata keçirilməyib.
 
шаблоны для dle 11.2