Mediatv.az ru.slovoidilo.ua-ya istinadən məlumat verir ki, Müdafiə naziri Oleksiy Reznikov yay əks-hücum zamanı Ukrayna Amerikanın F-16 qırıcılarından istifadə etməyəcəyini, bütün quru silahlarından istifadə edəcəyini bildirib.
O, bu barədə NHK telekanalına müsahibəsində bildirib.
F-16 qırıcıları ilə bağlı suala Reznikov cavab verib ki, onlar bu yay vəziyyəti dəyişməyəcəklər. Bəzi Qərb ölkələri ukraynalı pilotlara təlim keçir və ya onlara təlim keçməyi təklif etməkdə davam edirlər.
Müdafiə Nazirliyinin rəhbərinin sözlərinə görə, ukraynalı pilotların hazırlanması üçün vaxt lazımdır. Bundan əlavə, Ukrayna partnyorlarla təyyarələrin mühəndis-texniki təminatı ilə bağlı razılığa gəlməlidir.
O əlavə edib ki, Ukrayna payız və ya qışda F-16-ları yerləşdirməyə hazır olacaq.
Xatırladaq ki, daha əvvəl Müdafiə Nazirliyi Ukraynanı azad etmək üçün lazım olan F-16-ların sayını açıqlamışdı.
Ukrayna Silahlı Qüvvələri artıq F-16 qırıcılarını idarə etmək üçün təlimlərin birinci dalğasında iştirak edəcək pilotların siyahısını hazırlayıb.
                                                                           
Tərcümə etdi: Səadət Sultanшаблоны для dle 11.2