Mediatv.az TASS agentliyinə istinadən məlumat verir ki, Ukrayna prezidentinin aparat rəhbərinin müavini İqor Jovkva bildirib ki, ölkələr siyahısına Böyük Britaniya, Hollandiya, Polşa, Danimarka, İsveç, Belçika, Portuqaliya və Fransa daxildir.
  Səkkiz Avropa ölkəsi Ukraynanı hərbi aviasiya ilə təmin edəcək aviasiya koalisiyasına qoşulmağa razılaşıb. Bunu Ukrayna prezidentinin aparat rəhbərinin müavini İqor Jovkva deyib.
"Səkkiz ölkənin iştirakı ilə koalisiyanın Avropa hissəsinin əsası artıq formalaşıb, tezliklə daha çox olacaq", - «Европейская правда» qəzeti ondan sitat gətirir. O qeyd edib ki, ölkələr siyahısına Böyük Britaniya, Hollandiya, Polşa, Danimarka, İsveç, Belçika, Portuqaliya və Fransa daxildir. "Hətta Fransa prezidenti ilə bu məsələ ilə bağlı ayrıca birgə bəyanat da qəbul edilib", - deyə, Jovkva vurğulayıb.
Rəsminin sözlərinə görə, əldə olunmuş razılaşmalar təmas qrupunun növbəti görüşü zamanı Ramşteyndə Ukraynaya yardım üçün pilotların və texniki personalın hazırlanmasının həcmi və mexanizmi, eləcə də döyüş təyyarələri üçün şəraitin və müvafiq infrastrukturun yaradılması ilə bağlı konkret qərarlara ümid etməyə imkan verir.
İyunun 1-də Fransa və Ukrayna prezidentləri Emmanuel Makron və Vladimir Zelenski danışıqlardan sonra müdafiə nazirlərinə Kiyev üçün qırıcı pilotlar və təyyarə mexanikləri üçün təlim proqramını təqdim etməyi tapşırdılar.
 
Tərcümə etdi: Səadət Sultanшаблоны для dle 11.2