Mediatv.az dzen.ru-ya istinadən məlumat verir ki, Ukraynada Rusiyanın ukraynalı uşaqlara qarşı cinayətlərinə qarşı mübarizə aparacaq Uşaq Hüquqlarının Müdafiəsi Mərkəzi açılıb.
Bu barədə Prezidentin mətbuat xidməti məlumat yayıb.
“Bu, cinayətin qurbanı olmuş və ya onların şahidi olmuş uşaqlar üçün müvafiq mütəxəssislərin uşaqlardan və onların ailələrindən məlumat ala, tibbi müayinə, o cümlədən məhkəmə-tibbi ekspertizasını keçirə və lazımi terapevtik yardım göstərə biləcək idarələrarası mərkəzdir”, - deyə, HİM-dən bildiriblər. ..
Vladimir Zelenski mərkəzin açılışında iştirak edib. Ona, həmçinin Prezidentin Uşaq Müdafiəsi və Təhlükəsizliyi üzrə Əlaqələndirmə Şurası tərəfindən həyata keçiriləcək Uşaqları Geri qaytarın UA (Bring Kids Back) Fəaliyyət Planı təqdim olunub.
Uşaqları Geri qaytarın UA (Bring Kids Back) planı deportasiya edilmiş bütün ukraynalı uşaqların vətənlərinə qaytarılması üçün Ukraynanın, ictimai təşkilatların və qayğıkeş vətəndaşların səylərini birləşdirir. Plan bir neçə blokdan ibarətdir:
Rusiya tərəfindən deportasiya edilmiş ukraynalı uşaqların geri qaytarılması;
ailə təhsili formalarının inkişafı;
Rusiya Federasiyasından qayıdan uşaqların reinteqrasiyası, onların sosiallaşmasının və təhsil təşəbbüslərinin təşkili;
Ukrayna uşaqlarının xilası və mühafizəsi;
cinayətlərin müəyyən edilməsi və Rusiya Federasiyasının məsuliyyətə cəlb edilməsi;
parlamentlərarası qarşılıqlı fəaliyyət;
kommunikasiya və icma tədbirləri və evdə təhsil infrastrukturunun inkişafı;
Ombudsman Dmitri Lubintsin sözlərinə görə, bu günə olan məlumatda 371 ukraynalı uşaq geri qaytarılıb.
Xatırladaq ki, tammiqyaslı müharibə başlayandan bəri Ukraynada uşaqların Rusiya ərazisinə deportasiyası ilə bağlı 20 minə yaxın fakt müəyyən edilib.
Uşaq ombudsmanı Rusiyanın ukraynalı uşaqları qaçırmaq üçün istifadə etdiyi beş ssenarinin adını çəkib.
Tərcümə etdi: Səadət Sultanшаблоны для dle 11.2