Mediatv.az  lenta.ru-ya istinadən məlumat verir ki,  Türkiyənin yeni seçilmiş prezidenti Rəcəb Tayyib Ərdoğan iyunun 2-də iqamətgahında seçkilərdə qələbə münasibətilə təşkil olunacaq şam yeməyi mərasimində ölkə liderləri ilə görüşəcək, xarici dövlət başçılarının təbriklərini qəbul edəcək. Bu barədə “Hürriyet” qəzeti məlumat yayıb.
Onun şənbə və ya bazar günü parlamentdə and içəcəyi gözlənilir.
Həmçinin Türkiyə lideri yeni dönəmin fəaliyyəti, xüsusilə də iqtisadiyyatla bağlı Ankarada mühüm açıqlamalar verəcək. "Bu həftə o, tez-tez işçiləri ilə görüşəcək və cümə gününə qədər yeni kabinet formalaşdıracaq" – məlumatda belə deyilir.
Mayın 28-də siyasətçi prezident seçkilərinin ikinci turunun başa çatdığını elan edib və özünü qalib adlandırıb. O, tərəfdarlarına müraciətində deyib ki, xalq ona və onun administrasiyasına növbəti 5 il ərzində ölkəni idarə etmək məsuliyyətini verib.
Həmin gün Rusiya prezidenti Vladimir Putin türkiyəli həmkarını teleqram vuraraq seçkilərdə qələbəsi münasibətilə təbrik edib. Rusiya lideri qeyd edib ki, Ərdoğanın qələbəsi siyasətçinin fədakar əməyinin təbii nəticəsidir.
Bülletenlərin 99,08 faizi hesablandıqdan sonra seçicilərin 52,07 faizi Ərdoğana səs verib. Müxalifət təmsilçisi Kamal Kılıçdaroğlu 47,93 faiz səs toplayıb.
Tərcümə: Səadət Sultanшаблоны для dle 11.2