Mediatv.az https://ru.slovoidilo.ua/-ya istinadən məlumat verir ki, Kiyevə gecə saatlarında kamikadze pilotsuz uçan aparatların hücumu nəticəsində 9 nəfər yaralanıb, bir qadın ölüb, vilayətdə isə 4 vətəndaş yaralanıb.
Bu barədə Kiyev Milli Polisi məlumat yayıb.
“Bu ağır gecədə düşmənin atəşə tutması nəticəsində 1 nəfər həlak olub, 13 nəfər yaralanıb. Kiyevdə 9 nəfər yaralanıb, 33 yaşlı qadın ölüb. Kiyev vilayətində 4 vətəndaş yaralanıb. Həmçinin 16 obyektə - mülki avtomobillərə, tikililərə və yaşayış binalarına ziyan dəyib”, - deyə, Milli Polisin rəhbəri İvan Vıxovski bildirib.
Xatırladaq ki, bu gecə Kiyev iki gün ərzində dördüncü, mayın əvvəlindən isə 17-ci hava hücumunu həyata keçirib. Paytaxtın müxtəlif ərazilərində vurulan dronların dağıntılarının yerə düşməsi nəticəsində dağıntılar və yanğınlar baş verir.
Ukrayna Silahlı Qüvvələrinin Hərbi Hava Qüvvələrinin məlumatına görə, bir gecədə əksəriyyəti Kiyev yaxınlığında və paytaxtın səmasında olmaqla, ümumilikdə 29 hücum təyyarəsi məhv edilib.
Tərcümə: Səadət Sultan
шаблоны для dle 11.2