Mediatv.az ru.slovoidilo.ua-ya istinadən xəbər verir ki, ABŞ Dövlət Departamenti Rusiya ilə birbaşa uçuşların bərpası ilə əlaqədar Gürcüstana qarşı sanksiyaların tətbiqini istisna etmir.
“European Pravda” xəbər verir ki, bu barədə ABŞ Dövlət Departamentinin sözçüsü Metyu Miller brifinqdə bildirib.
O xatırladıb ki, bir çox Qərb ölkələri, o cümlədən ABŞ Rusiya təyyarələrinin öz hava məkanına daxil olmasını qadağan edir.
"Biz Rusiya ilə Gürcüstan arasında birbaşa uçuşların bərpasından narahat idik. Bu o demək ola bilər ki, şirkətlər, Gürcüstan hava limanları sanksiyalar təhlükəsi altında ola bilər", - Miller belə deyib.
O vurğulayıb ki, indi Rusiya ilə əməkdaşlığın qurulması vaxtı deyil.
Xatırladaq ki, son günlər Gürcüstan üç aviaşirkətə Rusiya Federasiyasına birbaşa uçuşlar həyata keçirməyə icazə verib, o cümlədən ilhaq edilmiş Krıma uçuşlar həyata keçirmişdir. İlk uçuşlar artıq mayın 19 və 20-də həyata keçirilib.шаблоны для dle 11.2