Mediatv.az eurointegration.com.ua-ya istinadən məlumat verir ki, Almaniyanın müdafiə naziri Boris Pistorius Ukraynanın dövlətçiliyini qorumaq üçün ona silah yardımı etməyə davam etməyə çağırıb.
O, bu barədə Augsburger Allgemeine və Main-Post-a müsahibəsində deyib.
"Kim bu gün Ukraynaya silah tədarükünü dayandırmağa çağırırsa, Ukraynanı taleyin ümidinə buraxır. Bu gün silah tədarükünün dayandırılması sabah Ukraynanın sonu deməkdir", - nazir deyib.
O əlavə edib ki, məqsəd Ukraynanı “təmin edə biləcəyimiz hər şeylə” dəstəkləmək olmalıdır.
Qeyd edək ki, bundan əvvəl Pistorius Ukraynaya alman qırıcılarının verilməsi imkanını dəfələrlə istisna etmişdi.
“Mən dəfələrlə demişəm ki, bizim Ukraynaya dərhal kömək edəcək qırıcı təyyarələrimiz yoxdur”, - deyə, Pistorius bildirib.
Almaniya Müdafiə Nazirliyinin rəhbərinin sözlərinə görə, Almaniyanın “Tornado” və “Eurofighter” qırıcıları Ukraynadakı döyüş vəziyyətində hazırda lazım olanlardan tamamilə fərqli imkanlara malikdir.
Lakin bundan əvvəl Almaniya Polşaya beş MiQ-29 qırıcısını Ukraynaya təhvil verməyə icazə vermişdi.
Tərcümə: Səadət Sultanшаблоны для dle 11.2