Mediatv.az life.pravda.com.ua-ya istinadən xəbər verir ki, Yaponiya iyun ayından Ukrayna hərbçilərini müalicə və zədələrdən sonra reabilitasiya üçün qəbul edəcək.
Bu barədə yerli Kyodo xəbər agentliyi öz mənbələrinə istinadən məlumat yayıb.
Ukrayna döyüşçüləri yardım proqramı çərçivəsində Tokioda Özünümüdafiə Qüvvələrinin Mərkəzi Xəstəxanasında müalicə alacaqlar, çünki Yaponiya keçmişdə də işğalçı ölkə ilə müharibə nəticəsində dağıntılara məruz qalıb.
Bu xəstəxana quru, dəniz və hava özünümüdafiə qüvvələri tərəfindən birgə idarə olunur. Ümumi cərrahiyyə, həzm cərrahiyyəsi və reabilitasiya daxil olmaqla 30-a yaxın tibb şöbəsi var.
Yaponiyanın yaralı əsgərləri müalicə etmək planı mayın 18-də müdafiə naziri Yasukazu Hamada ilə Ukraynanın Yaponiyadakı səfiri Serhiy Korsunski arasında keçiriləcək görüşdə müzakirə olunacaq.
Yaponiya hökuməti müalicə xərclərini ödəyə biləcəyini də nəzərdən keçirəcək.
Aprelin əvvəlində isə Xorvatiya ukraynalı döyüşçülərə müalicə və reabilitasiya təklifini edib.
Tərcümə etdi: Səadət Sultanшаблоны для dle 11.2