Bu gün keçirilən hərraclar zamanı Avropada qazın qiyməti iyunun 14-dən bəri ilk dəfə 1000 kubmetrə görə 1000 dollardan aşağı enib.

Mediatv.az Londonun “ICE” birjasının məlumatlarına istinadən xəbər verir ki, noyabr fyuçerslərinin qiyməti 1000 kubmetrə görə 989 dollara qədər enib. 

Günün əvvəlindən qazın qiyməti ümumi olaraq 14%-dən çox enib. 

Qeyd olunur ki, qazın qiymətinin enməsinə səbəb Avropa İttifaqında qaz ehtiyatlarının maksimum səviyyəyə yaxınlaşması və bölgədə anomal isti hava şəraitinin müşahidə edilməsi ilə əlaqədardır.