Avropada qazın qiyməti 1000 kubmetrə görə 2906 dollara qədər artıb.

Mediatv.az xəbər verir ki, bu barədə məlumat Londonun “ICE” birjasında yer alıb.

Günün əvvəlindən qazın qiymətinin ümumi artımı isə təqribən 5,5% təşkil edib. 

Avropada qazın qiyməti “Şimal axını” kəməri ilə qaz nəqlinin bu gündən texniki işlərlə əlaqədar olaraq dayandırılması fonunda yenidən artmağa başlayıb. Kəmərdə texniki işlər isə sentyabrın 2-nə qədər davam etdiriləcək. 

Xatırladaq ki, ötən həftə Avropada qazın qiyməti 1000 kubmetrə görə 3500 dollar həddini ötüb. Bununla belə, avqustun 26-sı qaz qiymətləri nisbətən enməyə başlayıb.