Rusiya və Qırğızıstan prezidentləri Vladimir Putin və Sadır Japarov arasında telefon danışığı olub.

Mediatv.az TASS-a istinadən xəbər verir ki, onlar Astanada görüşmək barədə razılığa gəliblər. Rusiya liderinin mətbuat katibi Dmitri Peskov “Rossiya-1” telekanalının efirində məlumatı təsdiqləyib: 

“MDB-nin qeyri-rəsmi sammiti başlamazdan əvvəl prezident Putin prezident Japarovla telefonla danışıb, onlar ikitərəfli münasibətlərlə bağlı məsələləri müzakirə etməyi davam etdiriblər və Astanada görüşmək barədə razılığa gəliblər”. 

Xatırladaq ki, bu gün Qırğızıstan Müdafiə Nazirliyi KTMT-nin öz ərazisində planlaşdırılan “Sarsılmaz qardaşlıq - 2022” adlı komanda-qərargah təlimlərini ləğv edib.