“Rusiyada səfərbərliyə qarşı razılaşdırılmamış aksiyalarda saxlanılan vətəndaşlara çağırış vərəqələrinin verilməsi qanuna zidd deyil”.

Mediatv.az “TASS”a istinadən xəbər verir ki, bunu Rusiya Prezidentinin mətbuat katibi Dmitri Peskov deyib.

“Bu səbəbdən də, burada sözügedən şəxslərin hüquqlarının pozulmasına yol verilməyib”, - deyə Peskov qeyd edib.

Xatırladaq ki, sentyabrın 21-i Rusiyanın bir neçə şəhərində qismən səfərbərliyə qarşı etiraz aksiyaları keçirilib. Aksiyalar zamanı 38 şəhər üzrə 1400-dən çox insan saxlanılıb. Rusiya mediası bu gün Moskva və Voronej şəhərlərində keçirilən aksiyalar zamanı saxlanılan şəxslərə hərbi komissarlıqlar tərəfindən çağırış vərəqələrinin verildiyini yazıb.