Rusiyanın Federal Tibbi-Bioloji Agentliyi meymunçiçəyinə qarşı peyvənd hazırlayıb.

Mediatv.az Rusiya mediasına istinadən xəbər verir ki, bu barədə məlumatı agentliyin rəhbəri Veronika Skvorçova Şərq İqtisadi Forumunda çıxışı zamanı açıqlayıb.

Onun sözlərinə görə, hazırda preparat preklinik tədqiqatdan keçirilir.

Xatırladaq ki, Rusiyada meymunçiçəyinə ilk yoluxma halı iyul ayında qeydə alınıb. Sözügedən xəstə avqust ayında xəstəxanadan evə buraxılıb. Ölkədə meymunçiçəyinə başqa yoluxma halı qeydə alınmayıb.