Gəncəyə turist axını müşahidə olunur. 

Mediatv.az ın məlumatına görə, Gəncə Turizm İnformasiya Mərkəzindən bildirilib ki, 2014-cü ildə də şəhərdə yeni turizm obyektlərinin açılması, tarixi abidə və binaların restavrasiyası, yeni istirahət məkanlarının inşa olunaraq istifadəyə verilməsi Gəncənin yeni simada gözəl görünüşü turistlərin marağına səbəb olub.

Bu məkanların sırasında hazırda restavrasiya olunan İmamzadə Kompleksi, Uğurlu xan karvansarayı, yeni inşa olunan Məhsəti Gəncəvi və Nizami Gəncəvi Muzeyləri, Gəncə Qala Qapıları – Arxeologiya və Etnoqrafiya Muzeyi Abidə Kompleksi, Nizami Gəncəvi məqbərəsi və ən əsası yeni istifadəyə verilən Heydər Əliyev park-kompleksini qeyd etmək olar.

Məlumat üçün bildirək ki, şəhərə gələn turistlər arasında Rusiya, Türkiyə, Ukrayna, Özbəkistan, Qazaxıstan, Gürcüstan və bir sıra avropa ölkələri vətəndaşları üstünlük təşkil edir.

Şərh Yaz