“Əvvəl “təmizlənmə”, sonra...” - GƏLİŞMƏ

Ana səhifə Bizimlə əlaqə

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Cəmiyyət (5-03-2021, 18:15)
“Əvvəl “təmizlənmə”, sonra...” - GƏLİŞMƏ

Qeyri-rentabelli fəaliyyət göstərən, kifayət qədər daxili və xarici borcu olan dövlət qurumlarının özəlləşdirilməsi məsələsi son ayların aktual müzakirə mövzusudur.

Doğrudur, hökumətin bu məsələ ilə bağlı hansı mövqedə olduğu dəqiq məlum deyil, amma hər halda atılan bir sıra addımlar proseslərin bu istiqamətdə inkişaf edə biləcəyi ehtimalını yaradır.

Dövlət qurumları, o cümlədən də “Azərsu” və “Azərenerji” ASC, “Azəriqaz” İB özəlləşdirilərsə, onların daxili və xarici borcları ilə bağlı problemlər necə həllini tapacaq?

İqtisadçı Natiq Cəfərli "Mediatv.az"-a açıqlamasında bildirib ki, İnvestitsiya Holdinqi məhz bu cür məsələlərin həlli məqsədilə yaradılıb:

“Əgər bu qurumlar həqiqətən özəlləşdiriləcəksə, obrazlı desək onların “təmizlənməsi” – borclardan silinməsi, idarəetmənin təkmilləşdirilməsi, gəlirlə işləməyə başlaması lazımdır. Çünki istənilən halda istər yerli, instərsə xarici şirkət həmin dövlət şirkətləri özəlləşdirməyə çıxarılan zaman onların borclarını üzərinə götürməyəcək. Götürsə belə, bu məbləğ qiymətdən çıxılacaq. Məsələn, hansısa xidmət qurumunun qiyməti 1 milyard manatdırsa və onun 800 min manat borcu varsa, bu məbləği çıxılıb, 200 min manat ödəniləcək. Hansısa bir qurumun mülkiyyət və ya idarəetmə formasının dəyişməsi “təmizlənmədən” mümkün deyil. Ona görə də hesab edirəm ki, hökumət doğrudan da xidmət sahələrinin özəlləşdirilməsində qərarlıdırsa, İnvestitsiya Holdinqinin əsas işi onların “təmizlənməsindən”, rentabelli çalışmasının təmin edilməsindən ibarət olmalıdır”.

İqtisadçı xidmət qurumlarının dövlət büdcəsinə və ya bir-birlərinə olan borclarının yaxın zamanlarda qaytara biləcəyini düşünmür:

“Güman ki, dövlətin qərarı ilə bu borclar büdcə hesabına ödəniləcək və ya Prezident fərmanı ilə qarşılıqlı şəkildə silinəcək. Yalnız borcların silinməsindən sonra onların özəlləşdirməyə açılması mümkündür”.

Ümumilikdə xidmət qurumlarının daxili və xarici borclarını necə xarakterizə etmək olar, onlar çoxdurmu?

İqtisadçı bildirib ki, dövlət qurumları arasında borcları çox olan da, nisbətən az olan da var:

“Əsas borclar xroniki borclardır. Hətta 90-cı illərdən üzərinə yığılan borclar da var. Bununla yanaşı, qarşılıqlı borclar da var, məsələn “Azərenerji”-nin “Azəriqaz”-a, “Azərsu”-nun digər qurumlara, onların “Azərsu”-ya borcları var. “Azərsu”-nun büdcəyə kifayət qədər böyük məbləğli borcu var, bunu hissə-hissə qaytarsa da, yenə də qalır. Nədənsə bütün dövlət şirkətləri ziyanla, rentabelsiz işləyirlər. Bu da korrupsiya sistemlərindən, normal idarəetmənin olmamasından irəli gəlirdi. Bundan başqa xarici borclar da var, təqibən 10 milyard dollara yaxın dövlət şirkətlərinin xarici borcu var. Doğrudur, bunun böyük əksəriyyəti 80 faizinə qədəri SOCAR-ın payına düşür, amma digər qurumların da borcu var. Ədalət naminə onu da demək lazımdır ki, son iki ildə digər dövlət şirkətlərinin xarici borclarında xeyli azalma var. Amma ümumilikdə söhbət milyardlarla məbləğli yerli və xarici borcdan gedir”.