Bunu Mediatv.az-a açıqlamasında Nəqliyyat Nazirliyi Dövlət Avtomobil Nəqliyyatı İdarəsinin Bakı Regional şöbəsinin rəis müavini Əmrah Cəfərov deyib. O bildirib ki, artıq bununla bağlı qərar verilib və siyahı tərtib edilib.

Hərəkət marşrutu qısaldılacaq avtobuslar bunlardır: 168, 214, 22, 48, 171, 20, 70, 185, 96, 207, 82.

Ə.Cəfərov deyib ki, Bakıda bir-birini təkrarlayan və əlavə nəqliyyat yükü yaradan bəzi marşrut xətlərinin bağlanması da nəzərdə tutulur: “Artıq bununla bağlı siyahı hazırdır. Bir neçə gün öncə "8-ci km" ərazisindən "Neftçilər" metrostansiyası, Bakıxanov qəsəbəsini keçməklə Atəşgah dairəsinə qədər gedən 23 nömrəli marşrut xətti bağlanıb. Digər bir neçə marşrut avtobusunun da hərəkət xətti dəyişdirilib və bu istiqamətdə iş davam edir”.