“Bu hücum müsəlmanların Avropada məhkəmə yoluyla heç cür Məhəmməd peyğəmbərin karikaturalarının dərcinə qadağa qoyulmasına nail ola bilmədiyinin nəticəsidir. Hamı yaxşı bilir ki, Məhəmməd peyğəmbər bütün müsəlmanlar üçün müqəddəsdir. Deməli heç kimin dindarların hisslərinə toxunmaq, peyğəmbəri zarafat və lağ obyektinə çevirmək hüququ yoxdur”.

S.Sadıqov onu da deyib ki, Çeçenistan rəhbəri Ramzan Kadırovun Xodorkovskinin bəyanatının təxribat məqsədi daşıdığı haqda fikirlərinə tam dəstək verir. Çünki Xodorkovskinin məqsədi Rusiyada dinlərarası qarşıdurma yaratmaqdır.

“Onun xaricdəki dostları bilir ki, bu qarşıdurma Rusiyada dağıdıcı prosesləri başlada bilər”- Söyün Sadıqov deyib.

O bildirib ki, Rusiya vətəndaşı olaraq Xodorkovski haqda Rusiya İstintaq Komitəsinə, Baş Prokurorluğa, habelə Federal Təhlükəsizlik Xidmətinə şikayət ərizəsi yazaraq bu şəxsin cinayət məsuliyyətinə cəlb olunmasını tələb edib.