NƏ YEDİYİMİZİ BİLİRİKMİ? - AQTA da nəzarət etmir..

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Araşdırma (5-03-2021, 11:30)
NƏ YEDİYİMİZİ BİLİRİKMİ? - AQTA da nəzarət etmir..

Veysəloğlu Şirkətlər Qrupu Azərbaycanın gündəlik tələbat malları sektorunda 16 minə yaxın əməkdaşı olan, biznes şəbəkəsidir.

Şirkətlər Qrupuna Azərbaycanda ”Veysəloğlu”, Türkiyədə fəaliyyət göstərən "VT" (Veyseloglu Turkey) və Gürcüstandakı “VG” (Veyseloglu Georgia) distribüsiya şirkətləri, eləcə də “ULDUZ” şokolad fabriki, “XONÇA” şirniyyat evi, “AVT LOGISTICS”, “AVT Construction”, “AVT Nəqliyyat”, “V-Trade” topdansatış, “Vesta-Horeca” şirkətləri, həmçinin “ENTRÉE Azərbaycan” kafe, “ARAZ” supermarketlər və “OBA” marketlər şəbəkələri daxildir.
Təsəvvür edirsiniz 16 min əməkdaşı olan bu boyda şirkət Qarabağda qanlı müharibənin getdiyi günlərdə, əsgərlərimizin şəhid olduğu vaxtda Salyan rayonunda zurna-qavalla, konsertlə yeni mağazanın açılışını bayram edirdi.
Birincisi, şirkətin rəhbərliyi başa düşmür ki, həmin günlərdə evlərə şəhid tabutları gəlirdi, xalqımız ağır matəm əhvalında idi. Belə zamanda bayram etmək, təntənəli açılış keçirmək nəyə lazım idi..?
Lap hər şeyi bir kənara qoysaq, axı şirkətin özünün 16 min əməkdaşının yəqin ki, bir neçəsinin evinə də əsgər tabutu gəlmişdi. Öz əməkdaşlarına hörmət qoymayan şirkətdən milli təəssübkeşlik gözləmək bəlkə də yersizdir.
Bu məsələnin milli-mənəvi tərəfi.
İndi isə problemə başqa rakursdan yanaşaq.
Sivil Avropanın ayrılmaz hissəsi olan Türkiyədə, Avropa Birliyinə daxil olmağa real namizəd olan Gürcüstanda fəaliyyət göstərən Veysəloğlu şirkəti sivil, müasir dəyərlərə obrazlı desək, Mirzə Cəlilin “Danabaş kəndinin” pəncərəsindən baxır.
Şirkətlə bağlı hər hansı tənqidi məqalə, obyektiv araşdırma yazısı anındaca saytlardan silinir.
Təsəvvür edirsiniz özünü bu qədər reklam edən şirkətə məxsus “Ulduz” fabrikinin şokoladlarının içindən qurd çıxır, özü də bir neçə dənə. Və bu görüntülər mediada yayılan kimi şirkətin media maklerləri işə düşür, yazılar və şəkillər silinir.
Bunlar başa düşmür ki, yazını silməklə problem həll olunmur.
Şirkətə məxsus OBA marketinin ucuz və keyfiyyətsiz qida məhsulları, sosiskaları bütün dönərxanaları zəbt edib. Hələ heç nəyə yaramayan yuyucu tozları, paroşokları alıcıların səbrini daşırıb.
Biz dünyanı bürüyən pandemiya dövründə süni qiymət artımını qeyd etməyə bilmərik.
Şirkətin gömrük rüsumlarından, vergidən yayınmağı isə daha ciddi məsələdir. Bu barədə müvafiq orqanların tədbir görməsinə xüsusi ehtiyac var.
Şirkətin mağazalarında satılan meyvə-tərəvəzin qiymətləri isə lap kəllə-çarxa qalxıb.
Veysəloğlu şirkətinin mağazalarında satılan müddəti keçmiş, standartlara cavab verməyən, alıcılar üçün təhlükəli olan ərzaq məhsulları görəsən, Qida Təhlükəsizliyi Dövlət Agentliyinin diqqətini niyə cəlb etmir ?
Bu suala növbəti yazıda cavab tapmağa və agentliyin əməkdaşlarının mövqeyini öyrənməyə çalışacağıq. //gundelik-baku.com//