Ana səhifə Araşdırma Aktual Problem Siyasət Gündəm Sağlamlıq İqtisadiyyat Dünya Sosial Mədəniyyət Təhsil İdman Region Cəmiyyət Hadisə

Siyasət (13-01-2021, 14:40)
Türkiyə ilə hərbi ittifaqa nə mane olur? - Ekspert danışır

 "İlk növbədə o suala cavab tapmalıyıq ki, Azərbaycan üçün ölkənin milli təhlükəsizlik maraqlarının qorunması, yoxsa hansısa təşkilata üzvlüyü daha önəmlidir. Düşünürəm ki, bu məsələdə birincisini seçməliyik”.

Bu sözləri "Mediatv.az"-a açıqlamasında Azərbaycanın Qoşulmama Hərəkatına üzvlüyünün Türkiyə hərbi bazasının ölkəmizdə yerləşdirilməsinə əngəl ola biləcəyinə aydınlıq gətirərkən "Atlas” Araşdırmalar Mərkəzinin rəhbəri Elxan Şahinoğlu deyib:

"Ermənistanla olan çoxillik hərbi konflikti həll etdik və bunu hər zaman öz xeyrimizə həll etmək gücündəyik. Amma başqa kənar güclər var ki, Azərbaycana müəyyən təhlükələr yaradır. Ona görə də Türkiyə ilə ittifaqın gücləndirilməsi vacibdir”.

Həmsöhbətimiz təəssüflə bildirdi ki, Azərbaycan Müdafiə Nazirliyi Qoşulmama Hərəkatını əsas gətirməklə üçüncü dövlətin hərbi bazasının Azərbaycanda yerləşdirilməsinin mümkünsüzlüyünü vurğulayıb:

"Halbuki ay yarımdan çoxdur, Rusiya hərbçiləri Dağlıq Qarabağdadır və burada etmədikləri təxribat qalmayıb. Buna baxmayaraq, Müdafiə Nazirliyi bu günə qədər susur. Amma strateji müttəfiqimiz olan Türkiyə bazasının Azərbaycanda olması gündəmə gələn kimi, dərhal reaksiya verib.

Azərbaycanda Türkiyənin hərbi bazasının olacağına heç kim şübhə etməsin. Çünki ölkəmizin təhlükəsizliyinin təminatı vacibdir. Qoşulmama Hərəkatına üzvlük məsələsi isə ikinci dərəcəlidir. Ona qalsa, rus hərbçilərinin Qarabağda olması da Qoşulmama Hərəkatının prinsipinə ziddir. Belədirsə, niyə Türkiyə hərbi bazası Azərbaycanda olmasın?”

"Türkiyə bazasının Azərbaycanda olması Qoşulmama Hərəkatının prinsiplərinə ziddir”

Milli Məclisin deputatı Asim Mollazadə isə üçüncü ölkənin, həmçinin Türkiyənin hərbi bazasının ölkəmizdə yerləşdirilməsinə qarşı çıxır:

"Qoşulmama Hərəkatına üzvlüyümüz əlbəttə ki, üçüncü ölkənin hərbi bazasının Azərbaycanda yerləşməsinə maneə olur. Ona görə də Azərbaycanda Türkiyənin hərbi bazası yoxdur. Buna ehtiyac da yoxdur. Düzdür, bəzi sahələrdə Türkiyənin Azərbaycana dəstək verdiyi əsgərləri, hərbi mütəxəssisləri var. Azərbaycan heç bir hərbi bloka daxil deyil, müstəqil dövlət kimi hərəkət etməliyik. Türkiyə isə NATO-nun üzvüdür. Ona görə də onun hərbi bazasının burada olması Qoşulmama Hərəkatının prinsiplərini pozmaq deməkdir”.шаблоны для dle 11.2

Reklam
• Sorğu
Saytımızı bəyəndiniz?



Xəbər lenti
24 01 2021 23:47
24 01 2021 23:39
24 01 2021 23:32
24 01 2021 21:42
24 01 2021 21:42
24 01 2021 21:37
24 01 2021 21:35
24 01 2021 16:51
24 01 2021 16:27
24 01 2021 16:00
24 01 2021 15:30
24 01 2021 15:00
24 01 2021 14:25
24 01 2021 14:00
24 01 2021 13:29
24 01 2021 13:20
24 01 2021 13:00
24 01 2021 12:30
24 01 2021 11:58
24 01 2021 11:19
24 01 2021 10:48
24 01 2021 10:30
24 01 2021 10:12
24 01 2021 09:58
23 01 2021 22:28
23 01 2021 21:34
23 01 2021 21:04
23 01 2021 19:26
23 01 2021 19:12
23 01 2021 18:45