Suraxanı Gənclər Evi Sosial Xidmət Müəssisəsinin təşkilatçılığı ilə 31 Mart Azərbaycanlıların Soyqırımının 100-cü il dönümünə həsr olunmuş tədbir keçirilmişdir. Tədbir Azərbaycan dövlət himninin səsləndirilməsi ilə başlanıldı və tədbir iştirakçıları soyqırım qurbanlarının əziz xatirəsini bir dəqiqəlik sükutla yad edildi.
Suraxanı Gənclər Evinin direktoru Natavan xanım Rüstəmova giriş sözü ilə tədbiri açıq elan etdi. Suraxanı rayonun hörmətli nümayəndələri Yeni Azərbaycan Partiyası Suraxanı Rayon Təşkilatının sədri Vüqar Seyidov və Suraxanı Rayon Gənclər və İdman İdarəsinin rəisi Amil Bağırov tədbirimizin qonaqları idi. 31 mart soyqırımı haqqında ətraflı danışıldı, Ulu Öndər Heydər Əliyevin 1998-ci il 26 mart tarixli fərmanı ilə 31 mart soyqırımına, həmçinin tarixin müxtəlif dönəmlərində xalqımızın məruz qaldığı soyqırımı hadisələrinə ilk dəfə hüquqi-siyasi qiymətin verildiyini vurğulandı. 
Suraxanı Gənclər Evinin metodistləri də tədbir iştirakçılarına 31 mart soyqırımı barədə geniş məlumat verdılər. Rayonun fəal gənci Kənan Məmmədov 1918-ci il martın 31-də erməni silahlı dəstələrinin Bakıda dinc əhaliyə qarşı başladığı dəhşətli qırğınları bütün faktları ilə auditoriyaya çatdırıb. 
Suraxanı Gənclər Evi tərəfindən yazılmış, həqiqəti əks etdirən, ssenariyə əsasən rayonun fəal gəncləri hazırlanmış səhnəciyi nümayiş etdilər. Bundan əlavə, "31 Mart Azərbaycanlıların Soyqırımı" adı ilə şeir, qısametrajlı film, fəal gənclərdən ibarət ansamblın çıxışı, braşurlar və rəsmlər təqdim olundu. Fərqlənən rayon gəncləri diplomlar ilə mükafatlandırıldı.