Azərbaycan Dövlət Aqrar Universitetində (ADAU) tədrisin və elmi-tədqiqat işlərinin keyfiyyətinin artırılması istiqamətində həyata keçirilən tədbirlər sırasında elmi-pedaqoji kadrların stimullaşdırılması mühüm yer tutur. Bu sahədə aparılmış işlər nəticəsində universitetdə çalışan əməkdaşların əmək haqları əhəmiyyətli dərəcədə artmışdır. Universitet Elmi Şurasının növbəti iclasında elmi-pedaqoji kadrların fəaliyyətinin stimullaşdırılması məqsədilə növbəti qərar qəbul olunub. Belə ki, qərara əsasən, elmlər doktoru elmi dərəcəsi alan universitet əməkdaşlarına büdcədənkənar vəsait hesabına birdəfəlik 3000 manat, fəlsəfə doktorlarına 1000 məbləğində mükafat veriləcəkdir.