Azərbaycandan Ermənistana qaytarılan Gevorkyan ailəsinin üzvlərində xəstəlik aşkar edilməyib.

ANS PRESS-in məlumatına görə, bu barədə Ermənistandakı xəstəxanalardan birinin reanimasiya şöbəsini müdiri Qaqik Manukyan deyib. 

O bildirib ki, ailənin bütün üzvləri müayinədən keçiblər və onlarda heç bir xəstəlik, viruslar aşkar edilməyib. Qaqik Maukyananın sözlərinə görə, tezliklə ailə evə yola salınacaq. 

Qeyd edək ki, Gevorkyan ailəsi Ermənistan mətbuatına açıqlamalar verərək Azərbaycanda onlara qarşı kobud rəftar edildiyini iddia ediblər. Guya onlar Azərbaycanda olarkən döyülüblər və hətta cərəyana veriliblər. 

Xatırladaq ki, Azərbaycan Respublikası beynəlxalq humanitar hüquq normalarına və 1949-cu il 12 avqust tarixli Cenevrə Konvensiyalarına hörmətlə yanaşaraq, 2010-cu il yanvarın 10-da üçüncü dövlət ərazisində yaşamaq niyyəti ilə respublikamıza qanunsuz keçmiş və o zamandan ölkəmizdə saxlanılan Ermənistan Respublikasının vətəndaşları, 1958-ci il təvəllüdlü Gevorkyan Eqişe Petrosoviç və onun ailə üzvləri – həyat yoldaşı 1982-ci il təvəllüdlü Mardanyan Ruzanna Genoyevna, oğlu 2002-ci il təvəllüdlü Gevorkyan Alfred Yeqişeviç, qızı 2003-cü il təvəllüdlü Gevorkyan Qayane Yeqişevna, oğlu 2006-cı il təvəllüdlü Mardanyan Petros Yeqişeviçi aid olduqları ölkəyə könüllü qayıtmaq barədə müraciətləri əsasında 2014-cü il dekabrın 12-də Azərbaycan-Ermənistan sərhədinin Qazax rayonu, Bala Cəfərli kəndi istiqamətində qarşı tərəfə qaytarıb.