Xezerxeber.com xəbər verir ki, axşam olan kimi Bakının 20 Yanvar dairəsindən mikroavtobuslarla Sumqayıta gediş qiymətləri qalxır. 50 qəpik ödəməli olan sərnişinlərdən 1 manat tələb olunur.Süni qiymət artımı sərnişinlərin sıxlaşmasından sonra özünü göstərir. Sərnişinlər də soyuqda gözləməmək üçün məcbur olaraq 1 manat ödəyirlər. Gündəlik Bakı-Sumqayıt yolunu gəlib gedənlər nəqliyyat xərclərinin artmasından narahatdır.

Nəqliyyat Naziriliyinin mətbuat katibi Namiq Həsənov bildirib ki, vəziyyətdən xəbərləri var və süni qiymət artıran sürücülərə qarşı mübarizə tədbirləri həyata keçirilir və bu sürücülər cəzalandırılacaq. Üstəlik 20 Yanvar dairəsindən Sumqayıta avtobus və mikroavtbusların hərəkəti qadağandır. Sumqayıta avtobuslar Beynəlxalq Avtovağzaldan çıxmalıdır.