Bu gün səhər Fəxri Xiyabanın ərazisində bir kişi intihara cəhd edib.

Virtualaz.org vesti.az-a istinadən xəbər verir ki, bu barədə Səbayel Rayon Polis İdarəsindən bildiriblər.

Həyatı ilə hesablaşmaq üçün seçdiyi üsul isə məlum deyil. Xəbər verilib ki, kişi işdən çıxarıldığı üçün intihar etmək istədiyini deyib. Verilən məlumata görə o, prokurorluq orqanlarında işləyib.

Hal-hazırda o, baş verənlərə aydınlıq gətirmək üçün Səbayel Rayon Polis İdarəsinin 9-cu bölməsinə gətirilib.

Baş Prokurorluğun mətbuat xidmətinin rəisi Eldar Sultanov məsələ ilə bağlı sorğuya cavabında prokurorluq əməkdaşının intihara cəhd etdiyi barədə ilk dəfə eşitdiyini deyib: “Bu yəqin ki, dəqiq informasiya deyil, biz aydınlaşdıracağıq”.