Ordumuzun yaradılması  ölkəmizin müstəqilliyinin tarixidir.

Mediatv.az:  Azərbaycan Respublikası Silahlı Qüvvələrinin yaradılması müstəqil Azərbaycan dövlət quruculuğunun mühüm nailiyyətlərindən biridir. Ümummilli lider Heydər Əliyevin müstəsna xidmətləri sayəsində formalaşan və  inkişaf yoluna qədəm qoyan Azərbaycan Silahlı Qüvvələri bu gün Prezident, Ali Baş Komandan İlham Əliyevin rəhbərliyi altında öz şərəfli missiyasını uğurla davam etdirir.  Respublikamızda ordu quruculuğu sahəsində mühüm addımlar atılıb və bu gün də bu sahədə inkişafa doğru daha da mühüm işlər görülür. Heç bir  dövlət ordusuz yaşaya bilməz.  Ordu quruculuğu məsələsi çox çətin və mürəkkəb bir prosesdir.  Bu gün səmimi olaraq qeyd etmək istəyirəm  ki, ermənistan dövləti  öz dövlətinin gücünə, ordu quruculuğuna baxıb dəqiq düşünməlidir ki,  hansı ölkənin  qarşısında dayanıb !

Azərbaycan xalqı həqiqətən cox qüdrətli və güclü bir xalqdır. Bu gün bütün Azərbaycan xalqı  şərəflə  bu bayramı qeyd edir və fəxr edir.  Bu bayram münasibəti ilə 25-06-2016-cı il tarixində Hacıqabul rayon Mədəniyyət Mərkəzinin kollektivi  rayonda yerləşən  “ N “ saylı hərbi hissədə geniş konsert proqramı ilə çıxış etdi və sevinclərini cəsur  hərbiçilərlə bölüşdülər.

BAYRAMIN MÜBARƏK AZƏRBAYCAN !

Hacıqabul rayon Mədəniyyət Mərkəzinin Direktoru.                          Mehdiqulu Fərəcov.