Azərbaycan Dövlət Aqrar Universitetində Milli Qurtuluş Gününə həsr edilən “Ürəklərdə əbədi yaşayan dahi şəxsiyyət” adlı ədəbi-bədii gecə keçirilib. Universitet tələbələrinin hazırladığı musiqili, poeziyalı gecə Heydər Əliyev dühasının böyüklüyünü və əvəz edilməzliyini bir daha geniş auditoriyaya çatdırıb.

Mediatv.az-a ADAU-nun mətbuat xidmətindən verilən xəbərə görə təhsil müəssisəsinin rektoru, professor, AMEA-nın müxbir üzvü İbrahim Cəfərob deyib ki, Milli Məslisin  1993-cü il iyunun 15-də keçirilən iclasındakı çıxışında ulu öndər Heydər Əliyev   Azərbaycan dövlətçiliyinin gələcək inkişaf strategiyasını elan edib və bu gün Azərbaycan tarixinə Milli Qurtuluş Günü kimi daxil olub, Azərbaycan dövlətçiliyi yox olmaq təhlükəsindən qurtulub. Həmin gün Azərbaycan xalqının tələbi ilə ikinci dəfə hakimiyyətə qayıdan Heydər Əliyev Ali Sovetin sədri seçilib deyən rektor onu da bildirib ki, bununla da uzun illər davam edən gərginlik və qarşıdurma səngiyib  və ölkə vətəndaş müharibəsi, parçalanma təhlükəsindən xilas olub.  Milli qurtuluş fəlsəfəsi sözün geniş mənasında Azərbaycanın mövcudluğunu, onun ən böyük tarixi nailiyyəti olan müstəqilliyini təmin edib.

Tələbələrin hazırladığı gecənin ana xətti isə müstəqilliyi qazanmaq ilkin şərt idisə, ikinci vacib məsələ suverenliyi qoruyub inkişaf etdirmək idi və bu ümummilli liderin iradəsi sayəsində reallığa çevrilib fikirləri olub. Ulu öndər Milli Azərbaycan dövlətçiliyi konsepsiyasını yaratdıb və  bütün maneələrə baxmayaraq, ən qısa müddətdə ölkədə ictimai-siyasi sabitlik bərpa olunub.

 Dahi şəxsiyyətin həyat və fəaliyyət tarixindən səsləndirilən dəyərli kəlamlar, bir-birindən gözəl şer və musiqilər, nümayiş olunan video-çarxlar bir daha sübut edib ki, Heydər Əliyev Azərbaycanın bütövlüyünü təmin edə bilib və ilk olaraq  Azərbaycan həqiqətlərinin dünya ictimaiyyətinə çatdırılması üçün yerli və xarici jurnalistlər üçün brifinq keçirib, bir sıra ölkələrin diplomatları ilə görüşüb, aparılan siyasət respublikanı informasiya blokadasından çıxarıb. Dünyada Azərbaycanla bağlı formalaşan fikri müsbət yöndə dəyişib. Məhz belə bir mürəkkəb siyasi şəraitdə Heydər Əliyevin böyük potensialı Azərbaycanın müstəqilliyinin qarantına çevrilib. Ümummilli liderin şəxsiyyəti, onun özünəməxsus siyasi idarəetmə qabiliyyəti, qətiyyəti siyasi böhrana son qoyub və Azərbaycanın dünya birliyinə inteqrasiyası başlayıb.

Hörmətlə,