Hacıqabul rayon Heydər Əliyev Mərkəzində 15 iyun Milli Qurtuluş günü münasibəti ilə 11.06.2016-cı il tarixindən ekskursiyalar başlayıb.

       Mediatv.az xəbər verir ki, rayonun Navahı kənd, Muğan qəsəbə, 5 saylı tam orta məktəblərinin müəllim və şagirdləri Heydər Əliyev Mərkəzini ziyarət etdilər.Mərkəzin bələdçisi Nurlanə Muradova Heydər Əliyevin həyat və fəaliyyətindən bəhs edən eksponatlar haqqında onlara geniş məlumat verdi.

       13.06.2016-cı il tarixində isə 15 iyun Milli Qurtuluş günü ilə əlaqədar “Xalqın xilaskarı” Heydər Əliyevin ikinci dəfə hakimiyyətə gəlməsinə həsr olunmuş tədbir keçirildi.Tədbiri giriş sözü ilə Mərkəzin direktoru Aytən Zülfəliyeva açdı, bütün tədbir iştirakçılarını bayram münasibəti ilə təbrik etdi.Azərbaycan Respublikasının Dövlət Himni səsləndirildikdən sonra Heydər Əliyev Mərkəzinin direktoru Aytən Zülfəliyeva, Mərkəzi kitabxananın şöbə müdiri Səkinə Qarayeva, Tarix Diyarşünaslıq muzeyinin direktoru Məhəmməd İsayev, şəhər 10 saylı tam orta məktəbin şagirdi Samir Qəhrəmanov geniş məruzə ilə çıxış etdilər.

       Tədbirin sonunda “Əbədiyyət yolu” sənədli filminə tamaşa edildi.

 Aytən Zülfəliyeva,           

Hacıqabul rayon Heydər Əliyev Mərkəzinin direktoru