Mediatv.az xəbər verir ki, May ayının 25-də şəhər Folklor klubunda Hacıqabul şəhər Musiqi məktəbinin pedaqoji və şagird kollektivinin 2015-2016—cı tədris ilinin hesabat-yekun konserti keçirildi. Konsert başlamazdan öncə tədbir iştirakçıları klubun foyesində məktəbin il ərzində qazandıqları nailiyyətləri özündə əks etdirən Fəxri Fərman və Diplomlarla tanış oldular. Rayon Mədəniyyət və Turizm Şöbəsinin müdiri Elnur Əmiraslanov və rayon Təhsil Şöbəsinin müdiri Şükür Məmmədov çıxış edərək şəhər musiqi məktəbininin il ərzində gördüyü işlərdən, qazandıqları uğurlardan danışdılar, kollektivi təbrik etdilər, onlara gələcək işlərində uğurlar arzuladılar. Sonra il ərzində rayonun mədəni-kütləvi tədbirlərində fərqlənən məktəbin bir qrup müəllim və şagirdinə rayon Mədəniyyət və Turizm Şöbəsinin, rayon Təhsil Şöbəsinin, rayon Gənclər və İdman İdarəsinin və YAP rayon təşkilatının Diplom və Fəxri fərmanları təqdim olundu.

Məktəbin müəllim və şagird kollektivinin ifasında Azərbaycan və xarici ölkə bəstəkarlarının musiqiləri tamaçaçılar tərəfindən alqışlarla qarşılandı.