Bu gün Hacıqabul şəhər Folklor klubunda rayon Gənc Mədəniyyət işçilərinin koordinasiya kreativ qrupunun və Heydər Əliyev Mərkəzinin təşkilatçılığı ilə “Multikulturalizim ili”-nə həsr olunmuş Karl Popper formatlı “Debat” intelektual oyununun final mərhələsi keçirildi.

       Mediatv.az xəbər verir ki, əvvəlcə oyunun hakimi Padar qəsəbə tam orta məktəbin müəllimi Niyaməddin Məmmədov oyunun bu günkü günə qədər keçirilən mərhələləri barədə məlumat verdi.Sonra “Debat” oyunu və keçirilən əvvəlki yarışlar barədə kiçik video çarx nümayiş olunduqdan sonra oyun başlandı.Rayonun 16 məktəbinin iştirak etdiyi bu yarışın final mərhələsi 4 saylı tam orta məktəbin “Ana yurdum” komandası və 10 saylı tam orta məktəbin “Üç muşketyor” komandası arasında keçirildi. “Azərbaycanda multikulturalizmin vəziyyəti qənaətbəxşdirmi?!”  mövzusunun yetəri qədər aktual olması, həm də komandaların güçlü olması oyunun çox maraqlı keçməsinə səbəb oldu.Sonda Hacıqabul rayon Mədəniyyət və Turizm şöbəsinin müdiri Elnur Əmiraslanov və Gənclər və İdman idarəsinin rəisi Saleh Ələsgərov çıxış etdilər, oyunun təşkilatçılarını və qalibləri təbrik etdilər. Oyunun qalibləri iki nominasiya üzrə mükafatlandırıldı. Oyunun qalibi olmuş 4 saylı tam orta məktəbin “Ana yurdum” komandası I yerə çıxdı, “Ən yaxşı komanda” və “Ən yaxşı spiker” nominasiyası üzrə Kubok və diplomla mükafatlandırıldılar.

         “Ən yaxşı komanda” nomunasiyasında II yerə 10 saylı tam orta məktəbin “Üç muşketyor”, III yerə işə Qarasu kənd tam orta məktəbin “Bermud”, həvəsləndirici yerlərə isə Pirsaat kənd tam orta məktəbin “Pirsaat”  və 7 saylı tam orta məktəbin “Zəka” komandası laiq görüldü.

“Ən yaxşı spiker nominasiyası üzrə I yerə “Ana yurdum” komandasının I spikeri Həsənova Təranə, II yerə “Üç muşketyor” komandasının III spikeri Mehdiyeva Gilas, III yerə “Pirsaat” komandasının I spikeri Xalıqov Xanış,  həvəsləndirici yerlərə isə “Bermud” komandasının I spikeri Səfərova Günəş, və “Bermud” komandasının III spikeri Səfərov Elnur laiq görüldü.

Oyunun hakimi  Niyaməddin Məmmədov Mədəniyyət və Turizm şöbəsinin müdiri Elnur Əmrəslanov tərəfindən Fəxri Fərmanla mükafatlandırıldı.

Sonda xatirə şəkilləri çəkdirildi.

  Hacıqabul rayon Heydər Əliyev Mərkəzinin

  Direktoru Aytən Zülfəliyeva