“1000 bərəkət, halal nemət”in direktoru içərisindən qurd çıxdığı iddia edilən sosiska ilə bağlı açıqlama verdi. 

Bu gün “Mediatv.az”da “1000 bərəkət, halal nemət” markasına aid olan məhsullardan birinin içərisindən qurd çıxması ilə bağlı xəbər getmişdi. Həmin xəbərdə qeyd olunurdu ki, “Facebook” istifadəçisi sözü gedən şirkətin məhsulu olan sosikanın içindən qurd çıxdığını sübut edən şəkili sosial şəbəkədə paylaşıb.

“1000 bərəkət, halal nemət”in direktoru Fəxrəddin Bəşirov “Mediatv.az” ilə əlaqə saxlayıb və bildirib ki, vətəndaş qarşılaşdığı vəziyyətlə bağlı “Facebok”da paylaşım etmək əvəzinə şirkətə şikayət etsə daha yaxşı olardı. Paylaşılan fotodakı məhsulun bizim şirkətə aid olub olmadığı məlum deyil. Çunki, məhsulun üst örtüyü yoxdur. Şirkətin özünə müraciət edilsəydi məsələni daha operativ və obyektiv həll etmək olardı. Şirkət rəsmisi eyni zamanda bildirib ki, onlar tərəfindən istehsal olan məhsullar gigenik normalara və bütün standartlara tam cavab verir. Gündəlik yoxlamalar aparılır. O cümlədən uzun illərdir bazarda fəaliyyətlərinə baxmayaraq belə bir halla rastlaşmadığını bildirib. Direktor həmçinin “Mediatv.az”ın əməkdaşını şirkətə dəvət etdiyini və şirkətin vəziyyəti ilə yerindəcə tanış olmasını təklif edib:

“İstəyirəm ki, sizin bir əməkdaş bizim şirkətə gəlsin və özü bir nəticə çıxartsın”.