Azərbaycan Tibb Universitetinin (ATU) Cərrahiyyə Klinikasının direktoru, baş cərrah Hacıqulu Bağırov işdən çıxmaq haqqında ərizə yazıb.

Mediatv.az-a Azərbaycan Tibb Universitetinin mətbuat xidmətindən verilən məlumata görə, işdən çıxmaq üçün baş cərrah özü ərizə yazıb.

Səbəb isə H.Bağırovun əməliyyatlarının çox olmasıdır.

“Əməliyyatları çox olurdu, bu da digər vəzifə işlərinin yerinə yetirilməsində çətinlik yaradırdı. Bu baxımdan Hacıqulu müəllim işdən çıxmaq üçün ərizə yazıb. Hələ onun ərizəsinə baxılmayıb. O, direktor vəzifəsindən çıxsa belə, kafedrada və klinikada işini davam etdirəcək. Hazırda da o iş başındadır".
 

Xatırladaq ki, Hacıqulu Bağırov 2013-cü ildə - Klinikanın açılışından bəri klinikanın direktoru vəzifəsində çalışır.